Qazaqstandyqtardyń nesıe alý tártibi ózgerdi. Endi mıkrokredıttik uıymdar qaryz alýshyǵa qatysty málimetti tolyqqandy teksermeı, azamatqa bir tıyn da qaryz bere almaıdy. Sońǵy jyldyń ishinde 1 myń adamnyń syrtynan onlaın túrde belgisiz bireýlerdiń qaryz alǵany anyqtalǵan. Bul týraly Egemen.kz 31 arnaǵa silteme jasap habarlaıdy.
Onlaın kredıt alýdyń Qazaqstanda ońaı bolǵany sonshalyq, 1 jylda 1 myń azamat óziniń atynda kredıt bar ekenin bilmegen. Endi bóten bireýdiń syrtynan nesıe rásimdeıtin alaıaqtardyń jolyn kesý úshin úsh túrli tásil qoldanylady. Alǵashqysy, nesıe alýshy elektrondy qoltańba arqyly jeke derekterin engizýi qajet. Ekinshisi – túr-sulbańyzdy bıometrııalyq ıdentıfıkattaýdan ótkizýge ruqsat berýińiz shart.
Sondaı-aq qaryz alýshynyń jeke derekteri men beınesin eki faktorly tekserý arqyly da júzege asyrýǵa bolady. Iаǵnı telefonǵa kelgen arnaıy kodty engize otyryp ta, onlaın-kredıt ala beresiz. Biraq qarjy uıymy bul jaǵdaıda da klıentke bıometrııalyq talaptardy oryndaýyn suraıdy.
«Barlyq shaǵyn kredıttik uıymdarǵa Ulttyq banktiń arnaıy servıstik júıesin paıdalana otyryp, klıentti naqty tekserý, onyń derekterin ótinimde berilgen derektermen salystyryp tekserýdi, klıenttiń naqty bıometrııalyq derekteriniń jeke basyn kýálandyratyn qujattarda kórsetilgen derekterge sáıkes bolýyn qamtamasyz etý mindetteledi», dedi Qazaqstan mıkroqarjy uıymdary qaýymdastyǵynyń basshysy Erbol Omarhanov.