Búgin, 16 maýsymda Prezıdent Qasym-Jomart Toqaev Islam yntymaqtastyǵy uıymynyń (IYU) ǵylym jáne tehnologııa jónindegi ekinshi sammıtine beınebaılanys arqyly qatysady, dep jazady Egemen.kz Prezıdenttiń baspasóz hatshysy taratqan aqparatqa silteme jasap.
«Ǵylym, tehnologııa jáne ınnovasııa: jańa belesterge jol ashý» atty taqyryp boıynsha ótetin vırtýaldy sammıtke Birikken Arab Ámirlikteri tóraǵalyq etedi.
Jıynda ǵylym, tehnologııa jáne ınnovasııa salalaryndaǵy ózara yqpaldastyq máseleleri, sondaı-aq, 2026 jylǵa deıingi atalǵan baǵyttardaǵy IYU baǵdarlamasynyń júzege asyrylý barysy talqylanbaq.
Jalpy IYU-nyń ǵylym jáne tehnologııa jónindegi sammıti Qazaqstannyń bastamasymen ótip keledi. Alǵashqy sammıt 2017 jyldyń qyrkúıek aıynda elordada ótti.
Búgingi is-shara Nur-Sultan qalasynyń ýaqyty boıynsha saǵat 15:00-de bastalady dep josparlanǵan.