Qazaqstan Ulttyq Olımpıadalyq komıteti bosqyndardyń sportpen shuǵyldanýǵa degen umtylysyn qoldaýǵa, olarǵa Qazaqstan aýmaǵynda bilim berý baǵdarlamalary men sporttyq sharalarǵa qatysýǵa múmkindik berýge daıyn, dep habarlaıdy Olympic.kz.
Osy baǵyttaǵy yntymaqtastyq týraly kelisimge Qazaqstan UOK Bas hatshysy Andreı Krıýkov pen BUU-nyń Ortalyq Azııadaǵy bosqyndar isi jónindegi Joǵarǵy komıssarynyń aımaqtyq ókili Hans Frıdrıh Shodder qol qoıdy. Taraptar naqty jobalar sheńberinde odan ári yntymaqtastyqty damytýǵa kelisti, olardy damytý jaqyn arada bastalady.
«Biz halyqaralyq olımpıadalyq qozǵalysty qoldaımyz jáne BUU-nyń bosqyndar úshin gýmanıtarlyq qundylyqtarymen bólisemiz. Qazaqstan Ulttyq Olımpıadalyq komıteti óz Otanynan jyraqtaǵy balalar men jastardyń sportpen shuǵyldanýy jáne olımpıadalyq armandaryn júzege asyrýy úshin bar kúshin salýǵa daıyn. Olımpıadalyq teńdik pen kemsitýge jol bermeıtin memleket retinde Qazaqstan úshin, ásirese, jahandyq kóshi-qon daǵdarysy men pandemııa kezeńinde yntymaqtastyq pen qoldaý kórsetý óte mańyzdy», dedi Tımýr Qulybaev.
QR UOK Prezıdenti 2017 jyldyń qyrkúıeginde Halyqaralyq Olımpıada komıteti balalar men jastardy sport arqyly qorǵaý, damytý jáne kúsheıtý úshin Olımpıadalyq bosqyndar qoryn qurdy. Sonymen qatar, 2015 jyldyń qazan aıynda HOK prezıdenti Tomas Bah Rıo Olımpıadasyna qatysý úshin olımpıadalyq bosqyndar komandasyn qurǵanyn, al 2018 jyldyń qazan aıynda bosqyndar quramasy da Tokıo Olımpıadasynda baq synaıtyny belgili boldy. Bul jahandyq kóshi-qon daǵdarysyna qarsy Olımpıada qozǵalysynyń kúresinde mańyzdy oqıǵa boldy.
Qazirgi ýaqytta 12 sport túrinen 55 sportshy Tokıo bosqyndar olımpıadasynyń quramyna ený úshin talasýda. Olardyń barlyǵy Olımpıadalyq yntymaqtastyq baǵdarlamasy aıasynda HOK-tan qarjylaı qoldaý alady.