F tobyndaǵy ekinshi oıynda Germanııa quramasy Portýgalııany tize búktirdi. Ronaldý bastaǵan fýtbolshylar 4 gol soqqanymen, esep 2:4 esebimen nemisterdiń paıdasyna aıaqtaldy, dep habarlaıdy Egemen.kz.
Match bastala sala nemister shabýylǵa ıek artqan. Alaıda Portýgalııa saýatty qorǵana bildi. Ara-tura qarymta shabýylǵa ıek artyp otyrdy. Osyndaı sátterdiń birinde Jota qaqpashymen jeke dara shyqqan edi. Shabýylshy dopty Noıerdiń janyna tastaı saldy. Kerek kezde kerek jerden tabyla ketken Ronaldý dopty ashyq turǵan qaqpaǵa syrǵyta saldy. Esep 1:0.
Degenmen portýgaldardyń qýanyshy uzaqqa sozylǵan joq. 35 mınýtta Gozens ádemi pas bergen. Haverts dopqa aıaǵyn qoıa saldy. Serpilgen dop Portýgalııa qorǵaýshysy Dıashtyń aıaǵyna tıip, qaqpaǵa kirip ketti.Tórt mınýttan keıin nemister esepti eseleı tústi. Kımmıhtyń tepken doby qorǵaýshy Gerreıranyń aıaǵyna tıip, qaqpa toryn búlk etkizdi. Osylaısha, aınaldyrǵan 5 mınýttyń ishinde Portýgalııa óz qaqpasyna eki gol jiberip aldy.Ekinshi taımda Gozens-Haverts juby taǵy bir gol uıymdastyryp, sońǵysy esepti 3:1-ge jetkizdi. Al 60-mınýtta Gozens mergendigimen tanyldy. Áıtse de, Portýgalııa áýpirimdep júrip 67-mınýtta esep aıyrmasyn qysqartty. Bul joly gol salǵan Jota. Budan keıin de komandalar birneshe qaýipti shabýyl uıymdastyrǵanymen, esep ózgerissiz qaldy. Aıta keterligi, búginge deıin Eýro-2020 týrnırinde fýtbolshylar 5 márte avtogol saldy. Bul osy týrnırdegi rekordtyq kórsetkish. Portýgalııa – Germanııa 2:4Goldar:1:0 – 15 Ronaldý, 1:1 – 35, avtogol Rýben Dıash, 1:2 – 39, avtogol Gerreırý, 1:3 – 51 Haverts, 1:4 – 60 Gozens, 2:4 – 67 Dıogý Jota.Portýgalııa – Rýı Patrısıý, Semedý, Rýben Dıash, Pepe, Gerreırý, Danılý Pereıra, Vılıam Karvalıý (Rafa Sılva, 58), Bernardý Sılva (Sanshesh, 46), Brýný Fernandesh (Moýtınıý, 64), Dıogý Jota (Andre Sılva, 83), Ronaldý.Germanııa – Noıer, Gınter, Rıýdıger, Hýmmels (Djan, 63), Gozens (Halstenberg, 62), Gıýndogan (Zıýle, 73), Kımmıh, Haverts (Goretska, 73), Kroos, Mıýller, Gnabrı (Sane, 87).Eskertý alǵandar:Haverts (66), Gınter (77).