О́skemen qalasynda kólik qaqqan er adam oqıǵa ornynda qaza tapty, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, jol-kólik oqıǵasy 20 maýsym kúni saǵat 23.00 shamasynda О́skemennen Semeıge shyǵa beris jolda bolǵan.
«VAZ-212014» avtokóliginiń 20 jastaǵy júrgizýshisi Nurly kósh aýylynyń mańynda 38 jastaǵy azamatty qaǵyp ketti. Jaıaý júrginshi alǵan jaraqattarynan sol jerde kóz jumdy.
Atalǵan fakti boıynsha QR Qylmystyq kodeksiniń 345-babyna (Abaısyzda adam ólimine ákep soqtyratyn jol qozǵalysy erejelerin buzý) sáıkes sotqa deıingi tergeý amaldary bastaldy», dep habarlady vedomstvo ókilderi.
Qazirgi ýaqytta birqatar sot-medısınalyq saraptama taǵaıyndalǵan. Sonyń nátıjeleri boıynsha prosessýaldyq sheshim qabyldanady.