Mádenıet jáne sport mınıstrligi qazaq kúresi sportyn damytýda birqatar jumystar júrgizýde. «Dene shynyqtyrý jáne sport týraly» Zańǵa engizilgen sońǵy ózgeristerge sáıkes, Bilim jáne ǵylym mınıstrligimen tyǵyz jumystar júrgizilýde, dep jazady Egemen.kz.
Ulttyq sport túriniń komponentteri bilim salasynyń barlyq deńgeıinde dene shynyqtyrý páninde engizilip jatyr.
Bul týraly Ortalyq kommýnıkasııalar qyzmetinde óken brıfıngte QR MSM Sport jáne dene shynyqtyrý isteri komıteti Ulttyq sport túrleri jáne sporttaǵy múmkindigi shekteýli tulǵalarmen jumys basqarmasynyń basshysy Meırambek Mahambetov málimdedi.
«Ulttyq sport túrleriniń tizimi bekitildi. Aldaǵy ýaqytta «qazaq kúresi», «asyq atý» jáne «toǵyzqumalaq» sport túrlerin mektep baǵdarlamasyna engizý josparlanýda. Sonymen qatar, Memleket basshysynyń tapsyrmasyna sáıkes, 4-17 jastaǵy balalarǵa sport seksııalaryna tegin qatysýǵa múmkindik berilip otyr. Erejelerge sáıkes, tizimge 70-ten astam sport túri endi», dedi spıker.