Lázzat Keńesqyzy Súıindik Aqparat jáne qoǵamdyq damý mınıstrligi Aqparat komıtetiniń tóraıymy qyzmetinen bosatyldy, dep habarlaıdy Egemen.kz.
«QR aqparat jáne qoǵamdyq damý mınıstriniń buıryǵymen Lázzat Keńesqyzy Súıindik basqa jumysqa aýysýyna baılanysty QR Aqparat jáne qoǵamdyq damý mınıstrliginiń Aqparat komıtetiniń tóraıymy qyzmetinen bosatyldy», delingen habarlamada.
Lázzat Súıindik 1985 jyly 26 shildede Qostanaı oblysynda dúnıege kelgen.
L. Gýmılev atyndaǵy Eýrazııa ulttyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Sheffıld ýnıversıtetin támamdaǵan.
2008-2014 jyldary Mádenıet jáne aqparat mınıstrliginde túrli qyzmetter atqarǵan. 2014-2016 jyldary - Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıtetiniń elektrondyq BAQ basqarmasynyń basshysy.
2016 jyldan bastap 2019 jylǵa deıin QR Aqparat jáne kommýnıkasııalar mınıstrliginiń Aqparat komıteti tóraǵasynyń orynbasary bolyp jumys istedi. 2019 jylǵy mamyr aıynan bastap qazirge deıin QR Aqparat jáne qoǵamdyq damý mınıstrliginiń Aqparat komıtetiniń tóraıymy qyzmetin atqarǵan.