Buqaralyq aqparat quraldary qyzmetkerleri kúnin merekeleý qarsańynda «Habar» Agenttiginiń qyzmetkerleri qonys toılaryn toılap jatyr, dep habarlaıdy Egemen.kz.
О́z páterleriniń baqytty ıelerin Qazaqstan Respýblıkasy Prezıdenti Ákimshiligi Basshysynyń birinshi orynbasary - Dáýren Abaev pen Qazaqstan Respýblıkasy aqparat jáne qoǵamdyq damý mınıstri - Aıda Balaeva quttyqtady.
«Meniń oıymsha, qalǵan telearnalar «Habar» belgileıtin deńgeıge jetýge umtylady. Búgingi is-shara - «Habar» tek aqparat berip qana qoımaı, óz kadrlaryna qamqorlyq jasaıtynynyń jarqyn dáleli», dedi Qazaqstan Respýblıkasy Prezıdenti Ákimshiligi Basshysynyń birinshi orynbasary.
Aqparat jáne qoǵamdyq damý mınıstri Aıda Balaevanyń aıtýynsha, Agenttik qyzmetkerleriniń kásibı merekeleri qarsańynda páter kiltterin alýy - óte oryndy boldy.
«Men búgin sizdermen osy qýanyshty oqıǵamen bóliskenime óte qýanyshtymyn. Shynynda da, kez kelgen adam deni saý bolýdy, balalar óz oshaǵy men úıi bar otbasynda óskenin armandaıdy. Agenttik basshylyǵynyń osyndaı erekshe múmkindik bergenine óte qýanyshtymyn. Men ár otbasyna baqyt tileımin. «Habar» turǵyn úı kesheninde árdaıym keremet is-sharalar bolyp tursyn. Sizderdiń kásibı merekelerińizdiń qarsańynda páter kiltterin alýlaryńyz - óte oryndy! Sizderge shyǵarmashylyq tabys pen baqyt tileımin», dedi Aıda Balaeva.
Jańa «Habar» turǵyn úı kesheni elordanyń perspektıvaly aýdanynda ornalasqan. Bul - jer asty parkıngi bar 10 qabatty zamanaýı ǵımarat. Agenttiktiń úzdik qyzmetkerleri páterlerdi jalǵa alý quqyǵy aıasynda, keıinnen satyp alý múmkindigine ulasatyn júıe arqyly aldy. Taǵy 200 qyzmetker óte qolaıly sharttar boıynsha jaılylyq-sanatyndaǵy turǵyn úıden páter satyp alý múmkindigine ıe boldy.
«Habar» Agenttiginiń Basqarma Tóraǵasy Erlan Bekhojın bul jobanyń júzege asyrylǵandyǵyna óte qýanyshty ekenin moıyndady.
«Bul óte qýanyshty oqıǵa. Meniń oıymsha, bizdiń búgingi is-sharamyzdyń «Baqyt ómir súretin úı» uranyna nazar aýdarǵan bolarsyzdar. Shyn máninde, adam úshin úı - jaı qabyrǵalar ǵana emes, bul ómir aýmaǵy, jaıly atmosfera, bul balalar ósetin oryn. Biz bul jobany júzege asyra alǵanymyzǵa qýanyshtymyz. Árıne, men úıdi qysqa merzimde salǵan qurylysshylarǵa alǵys aıtqym keledi», dedi Erlan Bekhojın.
Qazaqtyń dástúri boıynsha búgingi merekege jınalǵandarǵa «shashý» shashylyp, sodan keıin qonaqtar páterlerdi qarap shyqty. Kásibı mereke qarsańynda Agenttik qyzmetkerlerine ulttyq estrada juldyzdary óner kórsetti.
«Habar» telearnasynyń «Jańalyqtar» qyzmetiniń shyǵarýshy redaktory Dostyq Bekbaev Agenttikte 9 jyldan beri jumys isteıdi. Búgin ol óz úıiniń baqytty ıeleriniń qatarynda boldy. Buryn ol qala syrtynda tursa, endi ol óz otbasymen jańa páterge ornalasatyn bolady.
«Bizdiń tórt balamyz bar. Meniń jumysymdy, jumysyma berilgendigimdi eskerip, basshylyq páter kiltin tabystady. О́te qýanyshtymyn. Men mundaı múmkindik úshin basshylyqqa rızamyn. Páter óte keń jáne jaıly. Biz dereý tirkeldik, tipti jóndeý jumystaryn da jasamadyq, óıtkeni ishi taza jáne ádemi boldy. Páter jaqsy - 80 sharshy metr. Terezeden elordanyń keremet kórinisi kózge túsedi», dep qýanyshymen bólisti Dostyq Bekbaev.
Aıta ketý kerek, Agenttik baspanaǵa muqtaj qyzmetkerlerine 2008 jyldan bastap keńse ǵımaratynda bólmeler berip keldi. 2017 jyly turǵyn úı jaǵdaılaryn jaqsartý maqsatynda «Habar» Agenttigi qyzmetkerlerine jaǵdaılary jaqsarǵan jańa ǵımarat berdi.