Almaty qalasy Almaly aýdandyq sotynda «Olımp» BK-nyń jumysshylaryna qatysty qylmystyq is qaraldy, dep habarlaıdy Egemen.kz.
Osy is boıynsha sottalýshylar (barlyǵy 20 adamnan astam - 11 adam sotalýshy, 9 adamǵa qatysty izdeý jarıalandy) QR Qylmystyq kodeksiniń 262-baby 2-bóligi (uıymdasqan topqa nemese qylmystyq uıymǵa qatysý), 307-baby 3- bóligi 1,2- tarmaǵy (zańsyz jáne oıyn bıznes uıymdastyrý), 245-babynyń 3-bóligi (uıymdarǵa salynatyn salyqty jáne (nemese) bıýdjetke tólenetin basqa da mindetti tólemderditóleýden jaltarý), 218-baby 3-bóliginiń 2,3-tarmaqtary (qylmystyq jolmen alynǵan aqshany jáne (nemese) ózge múlikti zańdastyrý (jylystatý) boıynsha sotqa berilgen.
Sot anyqtaǵandaı, sottalýshylar jáne izdeýde júrgen adamdar (9 adam) ekonomıkalyq qyzmet salasynda qylmystyq quqyq buzýshylyqtar jasaý úshin turaqty uıymdasqan top quryp, onyń qyzmetin basqarǵan.
Toptyń negizgi qylmystyq áreketi býkmekerlik keńsemen zańsyz oıyn bıznesin uıymdastyrý, qylmystyq jolmen alynǵan aqshany jáne basqa da múlikti zańdastyrý arqyly zańsyz oıyn bıznesin uıymdastyrý jolymen qylmystyq kiristiń turaqty kózin alýdan turady.
Sottalýshylar qylmystyq topqa 2014 jyldyń qańtarynan bastap tartyldy, sodan keıin olardyń árqaısysy ózine tapsyrylǵan kelesi rólderdi atqarǵan:
kompanııa serverleriniń QR-nan tys jerlerge ózgertý, elektrondyq kazınony «Olımp» BK saıtymen biriktirý
alynǵan qarajatty qolma-qol aqshaǵa aınaldyrý, olardy shetel valıýtasyna aıyrbastaý
QR-nan tys jerlerge eksporttaý úshin kýrerlerge aýdarý, sondaı-aq olardy zańdastyrý.
Sottalýshylardyń qylmystyq áreketteriniń nátıjesinde memleketke 95 mlrd teńgeden astam materıaldyq zalal keltirildi.
Sottalǵandardyń qylmystyq jolmen tapqan múlki tárkilenip, olardan memleket paıdasyna 95 mlrd teńge kóleminde materıaldyq shyǵyn óndirildi.