Almaty qalalyq sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtarııa dárigeri Jandarbek Bekshın vaksına saldyrmaǵandar qashyqtan jumys isteıtinin aıtty, dep habarlaıdy Egemen.kz.
Onyń aıtýynsha, qyzmetkerleri tolyqtaı vaksına saldyrǵan bolsa ofıste burynǵydaı jumys isteı alady.
«Mekemelerdiń, keńselerdiń jumysyna qatysty suraq óte jıi qoıylady. Eger Ashyq júıesine qosylmaǵan bolsa, qyzmetkerlerdiń 80 paıyzy qashyqtan, 20 paıyzy keńseden jumys isteı alady. Qyzmetkerleri tolyq vaksına saldyrǵan bolsa paıyzdyq úles eskerilmeıdi, tek vaksına saldyrmaǵandar qashyqtan jumys isteýge jiberiledi», dedi Jandarbek Bekshın.
Bekshın turǵyndardy epıdemıologtar men dárigerlerge jaýapkershilikpen qaraýǵa shaqyrdy.
Onyń aıtýynsha, qazir betperde taǵý, áleýmettik qashyqtyqty saqtaý, qoldy jıi jýý men vaksına alý syndy sanıtarlyq qaýipsizdik erejelerin saqtaý óte mańyzdy.