Qostanaı oblysy ákimdiginiń densaýlyq saqtaý basqarmasy uıymynyń sharýashylyq bıkesi para aldy degen kúdikke ilindi, dep habarlaıdy Egemen.kz.
Qostanaı oblysynyń sybaılas jemqorlyqqa qarsy qyzmeti Qostanaı oblysy ákimdigi densaýlyq saqtaý basqarmasynyń Qostanaı oblystyq uıymynyń sharýashylyq bıkesine qatysty sotqa deıingi tergeýdi bastady.
«Ol K. azamatshasyn arandatty dep kúdiktelýde. Qostanaı oblysy ákimdigi densaýlyq saqtaý basqarmasynyń laýazymdy tulǵalaryna ony Covid-19 modýldik juqpaly aýrýlar aýrýhanasyna sanıtar laýazymyna ornalastyrý týraly máseleni sheshkeni úshin 1 000 AQSh dollary somasynda para berýge qatysty», dep habarlady vedomstvodan.
Tergeý jalǵasýda. Kúdiktige qatysty onyń kinásiniń dárejesin anyqtaı otyryp, túpkilikti sheshimdi sot qabyldaıdy.
Eske sala keteıik, buǵan deıin Qostanaıda Ekonomıkalyq tergeý departamentiniń qyzmetkeri para aldy dep kúdiktelgeni habarlanǵan bolatyn.