Koronavırýstyń úndi shtamynyń jańa qabileti anyqtaldy. Ol adam aǵzasyndaǵy antıdenelerden jaltara alady. Bul týraly amerıkalyq Djordj Meıson ýnıversıtetiniń júıelik bıologııa mektebiniń professory Ancha Baranova aıtty, dep habarlaıdy Egemen.kz.
Mamannyń aıtýynsha, ádette jasýsha vırýs juqtyrǵan kezde ony bólip, syrtqa shyǵady. Bul jaǵdaıda oǵan antıdeneler shabýyl jasap, ony beıtaraptandyrady. Biraq birneshe jasýsha qura alatyn vırýstar da bar (sınsıtııa). Iаǵnı, ol jasýshany buzbaıdy, kerisinshe basqalarymen búıirlesip qosylady. Eger vırýs osylaı jasasa, onda antıdeneler ony múldem kórmeıdi.
«Antıdenelerden bulaı qashý aýrýdyń damý jyldamdyǵyn arttyratyn kúshti ınfeksııalyq proseske ákeledi», dedi professor.
Sonymen qatar Baranova sınsıtııa úndi shtamynyń erekshe qasıeti bolýy múmkin ekenin aıtty.