О́zbekstan Respýblıkasy Ulttyq ulanynyń qolbasshysy general-maıor Rýstam Djýraev bastaǵan О́zbekstan Respýblıkasy Ulttyq ulany delegasııasynyń elimizdegi jumys sapary aıaqtaldy, dep habarlaıdy Egemen.kz
29 maýsym kúni baýyrlas respýblıkanyń áskerı delegasııasy Qazaqstan Respýblıkasy Ulttyq ulanynyń Joǵary qolbasshylyǵynda boldy. Olardyń Qazaqstan Respýblıkasy Ulttyq ulanynyń basshylyǵymen kezdesýi kezinde brıfıng ótkizilip, onda Ulttyq ulannyń Bas qolbasshysy general-leıtenant Rýslan Jaqsylyqov qonaqtarǵa qurylym týraly, atqarylǵan mindetteri men áskerdiń damý perspektıvalary jaıly egjeı-tegjeıli aıtyp berdi. Sonymen qatar, qoǵamdyq qaýipsizdik pen quqyqtyq tártipti qamtamasyz etý salasynda birlesken jattyǵýlar (trenıngter) ótkizý, qos tarap uıymdastyrǵan sporttyq jarystarǵa eki jaq vedomstvolary ókilderiniń qatysýy sııaqty máseleler qaraldy.
Kezdesýde delegasııa basshysy general-maıor Rýstam Djýraev qazaq-ózbek qatynastary tereń tarıhı tamyry men ortaq rýhanı qundylyqtary bar bizdiń halyqtarymyzdyń dostyǵy men baýyrlastyǵynan kúsh alatyndyǵyn atap ótti.
Elordadaǵy is-sapar barysynda ózbekstandyq áskerıler Qazaqstan Respýblıkasy Ulttyq ulanynyń astanalyq jedel brıgadasynda boldy. Qonaqtarǵa áskerı qalashyqtyń ınfraqurylymy, áskerı tehnıkasy men qarý-jaraq úlgileri, sondaı-aq basqa da nysandar kórsetildi.
Delegasııanyń jumys sapary ońtústik astanada aıaqtaldy, onda О́zbekstannan kelgen áskerıler Ishki ister mınıtsrligi men Ulttyq ulan arnaıy jasaqtarynyń Jaýyngerlik-ádistemelik daıarlaý ortalyǵynyń múmkindikterimen tanysty.
Sapar barysynda Qazaqstan Respýblıkasy Ulttyq ulanynyń Áskerı ınstıtýty men О́zbekstan Respýblıkasy Ulttyq ulanynyń Áskerı-tehnıkalyq ınstıtýty arasynda Yntymaqtastyq Memorandýmyn jasaý máselesi de pysyqtaldy.