Álemdik qaýymdastyq vırýstyń asa qaýipti shtamdarynyń paıda bolýyna qaýip tóndiretin koronavırýstyń qarqyndy taralýyn toqtatýy tıis. Bul týraly sársenbide BUU Bas hatshysy Antonıý Gýterrısh málimdedi, dep habarlaıdy Egemen.kz.
«Búgin álemde COVID-19 pandemııasynyń aıasynda taǵy bir qaıǵyly rekord ornatyldy. Osy vırýstyń saldarynan tórt mıllıon adam qaıtys boldy», dedi BUU Bas hatshysy.
«Eger vırýs orman órti sııaqty taralsa, kóptegen mıllıondaǵan adamdarǵa qaýip tónedi. Ol neǵurlym kóp taralsa, soǵurlym juqpaly, ólimge ákeletin jáne qoldanystaǵy vaksınalardyń tıimdiligi azaıtatyn shtamdar paıda bolady», dedi Dúnıejúzilik uıymnyń basshysy.
Sonymen qatar, Gýterrısh jahandyq vaksınasııa josparyn júzege asyrý úshin Tótenshe jumys tobyn qurýǵa shaqyrdy. Bas hatshynyń usynysyna sáıkes, oǵan vaksınalar shyǵarýǵa múmkindigi bar barlyq elder, sondaı-aq Dúnıejúzilik densaýlyq saqtaý uıymy, vaksınalar jónindegi jahandyq alıans jáne tıisti farmasevtıkalyq kompanııalarmen jáne óndirýshilermen jumys isteýge qabiletti halyqaralyq qarjy ınstıtýttary kirýi kerek.