Qostanaı oblysy Denısov aýdanyna qarasty Aıat orta mektebiniń burynǵy oqýshysy qarý ustap fotoǵa túsý úshin oqý ordasyna urlyqqa túsken, dep jazady Egemen.kz Nasha gazeta-ǵa silteme jasap.
Ol ótken jyly osy oqý ornyn aıaqtaǵan. Sol kezden beri MMG-AK74M Kalashnıkov avtomatynyń úlgisi qaı jerde saqtalǵanyn jaqsy bilgen.
«Armanyn oryndaý úshin er adam keńseniń qulpyn buzyp, Kalashnıkovty alyp ketken. Biraq onyń selfı jasaý jaıly oıy iske asqan joq», dep málimdedi Qostanaı oblysy polısııa departamentiniń baspasóz qyzmeti.
Muǵalimder tez arada polısııaǵa habar berip úlgergen. Denısov polısııa bóliminiń polısııa qyzmetkerleri uryny ustap, mektepke qarýdyń mýlıajyn qaıtaryp berdi.
Urlyqshy Qazaqstan Respýblıkasynyń № 291 Qylmystyq kodeksine sáıkes atys qarýyn, olarǵa arnalǵan komponentterdi, oq-dárilerdi, jarylǵysh zattardy nemese jarylǵysh qurylǵylardy urlaý nemese qorqytyp alý babyna sáıkes jazalanýy múmkin.