Almatyda taýdan tabylǵan týrıst Álııa Kamıeva áli jansaqtaý bóliminde jatyr, dep habarlaıdy Egemen.kz.
38 jastaǵy áıel 5 shilde kúni taýǵa jalǵyz shyǵyp, joǵalyp ketken edi. Ony izdeýge qutqarýshylar men eriktiler shyǵyp, 8 shildede Úlken Almaty kóli aýmaǵynda es-tússiz jatqan jerinen tapty.
Tikushaq arqyly taýdan túsirilgen áıel 6 kúnnen beri jansaqtaý bóliminde jatyr.
«Naýqastyń jaǵdaıy birqalypty aýyr, jansaqtaý bóliminde jatyr. Onyń densaýlyǵynda eshqandaı oń ózgeris baıqalmaıdy. Taýda denesi úsimegen, biraq aıaǵynda jaraqattary boldy. Alǵashynda eseńgiregen kúıde bolǵan, áli sol qalpy. Jaǵdaıy turaqty aýyr, qaýipti dep baǵalanýda. Oń ózgerister joq», dedi №7 qalalyq klınıkalyq aýrýhananyń baspasóz qyzmeti.