«Vıtebskidegi Slavıan bazary» XXX halyqaralyq óner festıvaliniń ashylýy qalanyń basty alańy – jazǵy amfıteatrda ótti. Osy mádenı sharada Dımash Qudaıbergen «Lıýbov pohojaıa na son» jáne «Be With Me» ánderin jandy daýysta oryndap kórermenderdi qýantty, dep habarlaıdy Egemen.kz dimashnews.com saıtyna silteme jasap.
Mereıtoılyq festıvaldi Belarýs Prezıdenti Aleksandr Lýkashenko ashty.
«Búgingi Vıtebskidegi festıval – bul kásibı vokaldyq sheberliktiń bedeldi halyqaralyq baıqaýy… bul sahna Taısııa Povalıı, Rýslana, Petr Elfımov, Alena Lanskaıa, Dımash Qudaıbergen jáne basqa da kóptegen tanymal ártisterdiń jarqyn mansabyna bastaý boldy», dep atap ótti prezıdent.
Álemniń túrli elderiniń tanymal ártisteri men ujymdary aýqymdy halyqaralyq is-sharaǵa qatysty. Qonaqjaı amfıteatr zaly 7 myń qonaq qabyldady.
Konsert kezinde kórermender ártisterdiń usynǵan túrli stılderi men janrlardyń keremet úılesimin tańdanyspen qabyldady: klassıkalyq, halyqtyq, estradalyq mýzyka Vıtebsk sahnasynda shyrqalyp, festıvaldiń negizgi ıdeıasy – shyǵarmashylyqtyń shekarasy men qashyqtyǵy joq ekenin kórsetti. Horeografııalyq, sırk, sport ujymdarynyń óner kórsetýi merekeniń serpindi atmosferasyn jandandyrdy.