Germanııada eldiń batysyndaǵy sý tasqynyna baılanysty áskerı apat rejımi engizildi, dep habarlaıdy Egemen.kz.
Dúısenbiden beri aımaqta eki aılyq jaýynnyń mólsheri jaýyp, Reınniń eki salasy – Ar jáne Mozel jáne birneshe kishi ózen arnasynan astyn asty. Ásirese Soltústik Reın-Vestfalııa jáne Reınland-Pfals jerleri zardap shekti. Topyraqtyń shógýine baılanysty keıbir úıler qulady.
Al keıbir turǵyndar kóterilip jatqan sýdan qashyp, shatyrda kómek kútýge májbúr boldy. О́ńirde qutqarýshylar men 900-ge jýyq áskerı qyzmetkerler jumys isteıdi. Sý tasqyny saldarynan júzden astam adamnyń ólimi rastaldy. Taǵy myńǵa jýyǵy habar- osharsyz ketken. Bılik olardyń sany az bolýy múmkin ekenin aıtady.
Alaıda joldardy sýý basyp, uıaly jelisiniń bolmaýyna baılanysty kóptegen adamdar zardap shekken aýdandarda turatyn týystarymen habarlasa almaı otyr. Germanııa prezıdenti Frank-Valter Shtaınmaıer qaıtys bolǵan jandardyń otbasyna kóńil aıtyp, qoldaý bildirdi.
Sondaı-aq elderdi jahandyq jylyný men klımattyń ózgerýine qarsy turý úshin kóp kúsh salýǵa shaqyrdy.