Jyl basynan beri óńirdegi jumyspen qamtý ortalyqtaryna 16 716 adam júgingen. Onyń 88 paıyzy jumyspen qamtylǵan. Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetov málimdedi, dep jazady Egemen.kz.
«Nətıjeli jumyspen qamtýdy jəne jappaı kəsipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy aıasynda arnaıy ortalyqqa habarlasqandar jumysqa ornalasýǵa, qosymsha mamandyq alýǵa, kəsip ashýǵa múmkindik aldy. Bıyl atalǵan baǵdarlamany iske asyrý úshin 3 mlrd 927 mln teńge bólindi. Jyl sońyna deıin baǵdarlamada kózdelgen nysanaly sharalarǵa 22 695 adamdy tartý josparlandy. Alǵashqy jartyjyldyqta baǵdarlamaǵa 16 783 adam tartylyp, 1 902,2 mln teńge ıgerildi», deıdi Azamat Mámbetov.
Onyń aıtýynsha, 9 092 adam turaqty jumys taýyp otyr. Al 362 adam əleýmettik jumys oryndaryna, 313 jas túlek «Jastar praktıkasyna» ornalasqan. Sondaı-aq 4 823 adam qoǵamdyq jumystarǵa, 950 adam qysqa merzimdi oqý kýrstaryna jiberilgen.