Almatyda 80 turǵynǵa 14 kúndik úı karantınin buzǵany úshin 30 AEK kóleminde aıyppul salyndy, dep jazady Egemen.kz.
Almaty qalasy sanıtarlyq-epıdemıologııalyq baqylaý departamentiniń málimdeýinshe, COVID-19-ǵa oń PTR testi berilgen qala turǵyndary qoǵamdyq oryndardy aralap, «ASHYQ»-pen jumys isteıtin halyqqa qyzmet kórsetý ortalyǵy, meıramhana, fıtnes-ortalyqtar, áýejaı jáne basqa da nysandarǵa kirýge tyrysqan.
Olardyń qatarynda bank, ýnıversıtet, saýda, meıramhana, bilim berý uıymdary, baılanys, zeınetaqy qorlary jáne basqa da mekemelerdiń qyzmetkerleri bar. Olardyń tizimi departamenttiń resmı saıtynda jarııalandy.
«Sondyqtan ambýlatorııalyq emdelip jatqan qala turǵyndaryn ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilik tanytýǵa shaqyramyz. Vırýs juqtyrǵan adamdarmen baılanysta bolǵan tulǵalar ózin-ózi oqshaýlaý rejımin saqtaýy jáne basqa adamdarǵa juqtyrmas úshin adamdar kóp jınalatyn oryndarǵa barmaýlary tıis», dep jazady departament.