Jambyl oblysy, Baızaq aýdanynyń Sarykemer, Yntymaq jáne Kóktal aýyldyq okrýgterinde saılaý ótkizilýde6 dep habarlaıdy Egemen.kz.
Saılaý ýchaskeleri tıisti keńse taýarlarymen, jıhazdarmen, telefon jáne ınternet baılanysymen, taktıldi jolaqtarmen jáne ózge de qajettiliktermen qamtamasyz etilgen. Saılaý ótetin oryndar tolyqtaı beınekameralarmen jabdyqtalǵan.
Sondaı-aq, aýdandaǵy barlyq saılaý ýchaskesi sanıtarlyq talapqa sáıkestendirilgen. Baızaq aýdanynyń ákimi Baqyt Qazanbasov aýdan ortalyǵy Sarykemer aýylynda ornalasqan ál-Farabı atyndaǵy aýdandyq Mádenıet úıindegi №126 saılaý ýchaskesine kelip, óz tańdaýyn jasady.
«Aýyl ákimderin saılaý Sarykemer aýylynda óz deńgeıinde ótýde. Aýyl turǵyndary óz tańdaýyn laıyqty jasaıdy dep senemiz. Bul bastamaǵa halyqtyń kózqarasy jaqsy», deıdi Sarykemer aýylyndaǵy №126 saılaý ýchaskesiniń baqylaýshysy Amangeldi Tilepov.