Tokıo Olımpıadasynyń qola júldesin ıelengen dzıýdoshy Eldos Smetov búgin tańǵy 4:20-da Almatyǵa ushyp keldi. Áýejaıda sportshyǵa sý jańa avtokólik syıǵa tartyldy, dep habarlaıdy Egemen.kz.
Kútip alýshylardyń arasynda sportshynyń tuńǵysh bapkeri de boldy. Shákirtiniń jetistigine qýanǵan jattyqtyrýshy Eldos Smetovty qarsy alǵan sátinde kóz jasyna erik berdi.
«Naǵyz chempıon osy kisi. Meniń alǵashqy jattyqtyrýshym. Meni sportta óziniń kishkentaı balasyndaı alaqanynda ustap ósirgen bapkerim», dedi Eldos Smetov.
Áýejaıda eki dúrkin olımpıada júldegeriniń qurmetine oraı shashý shashylyp, tipti sý jańa avtokóliktiń kilti syıǵa tartyldy.
«Olımpıada óte keremet ótti. Zaldyń bos bolǵany biz úshin yńǵaısyz boldy. Eń qıyn bolǵan beldesý ol – aqtyq saıysqa joldama beriletin fınaldyq beldesýler. Osylaı buıyryp tur eken. Osynyń ózine qýanyshtymyn. Meniń elim, jerim, halqym «úshinshi oryndy» birinshi oryn retinde qabyldap, meni olımpıada chempıony retinde kútip aldy», dedi Eldos Smetov.