Germanııada Kelnge jaqyn Leverkýzendegi Chempark Currenta zaýytynda qaýipti qaldyqtardy órteıtin zaýyt jaryldy, dep habarlaıdy Egemen.kz Soltústik Reın-Vestfalııa polısııa qyzmetiniń týıtterdegi jazbasyna silteme jasap.
Bılik «tótenshe qaýip» týraly eskertý jasady jáne jergilikti turǵyndardan esik-tereze ashpaýyn surady. Býrsheıd pen Leıhlıngenti tútin basyp ketti. A1, A3, A59 avtobandary jabyq.
Zaýyttyń órt sóndirý qyzmeti sol jerde jumys istep jatyr. Shalǵaı aýdandardan kelgen órt sóndirý mashınalary da kómek kórsetýde.
Jarylys seısenbi kúni tańǵy saǵat 9: 30-da bolǵan. Oqıǵanyń neden bolǵany belgisiz. Polısııa birneshe qurban baryn aıtty.