Tokıo bıligi Olımpıada astanasynda bir kúnde koronavırýstyq ınfeksııanyń rekordtyq sanyn anyqtady. Bul týraly statıstıkalyq málimetterdi Japonııa astanasynyń ákimshiligi jarııalady, dep habarlaıdy Egemen.kz TASS saıtyna silteme jasap.
1 táýlik ishinde Tokıonyń 2848 turǵynynda koronavırýstyq ınfeksııa rastaldy. Bul 7 qańtardan bastap qalada 2520 ınfeksııa tirkelgen kezdegi eń joǵary kórsetkish.Aaýrýhanalarda jatqan 82 adamnyń jaǵdaıy aýyr.
22 Shildede Japonııanyń burynǵy premer-Mınıstri Sındzo Abe Covid-19-dyń aýyr jaǵdaıyna baılanysty Olımpıadanyń ashylý rásimine qatysýdan bas tartqany týraly habarlandy. Ol epıdemıologııalyq shekteýlerge baılanysty is-sharaǵa qatysýdy múmkin emes dep sanady. Sol sebepten, Japonııanyń qarapaıym azamattaryna rásimge qatysýǵa tyıym salyndy.
Epıdemıologııalyq jaǵdaıdyń nasharlaýyna baılanysty Japonııa astanasynda 12 shildeden bastap tótenshe jaǵdaı rejımi engizildi. Ol 22 tamyzǵa deıin sozylady.
1 shildeden bastap Olımpıadaǵa qatysy bar sheteldikter men japondyqtar arasynda, sonyń ishinde sportshylar, qyzmetkerler jáne delegasııa músheleri arasynda birneshe ondaǵan ınfeksııa tirkeldi.