Búgin qazaqstandyq jeńil atletıka hanshaıymdary úshin Tokıo Olımpıada oıyndary aıaqtaldy. London Olımpıadasynyń chempıony Olga Rypakova jarystan keıin jýrnalısterge suhbat berdi, dep habarlaıdy Egemen.kz.
«Búgingi jarystardy baǵalaý qıyn. Ádette maǵan stadıonnyń atmosferasy áser etedi. Alańǵa shyqqanda zalda otyrǵan jankúıerler men kórermenderdiń qýatyn árdaıym sezinip, jigerlenip alatynmyn. Biraq, ókinishke qaraı, bul joly ondaı múmkindik bolmady. Biraq, bul búgingi jeńilistiń sebebi emes. Jyl saıyn nátıjelerdiń tómendeı bastaıtyny taǵy bar. Jaraqattardan tolyqtaı aıyǵý úshin kóp ýaqyt ketedi. Álemdegi pandemııa da sportshylardyń jattyǵýyna birshama qıyndyq túsirdi. Degenmen de, bul men qatysyp otyrǵan 4-shi Olımpıada. Buny ulken jetistik dep sanaımyn», dedi atletshi.
Sporttyq báıgeden tys Japon halyqtyń súıispenshiligine bólengen Olga jankúıerlerine alǵysyn bildirdi.
«Otandastarymnyń qoldaýyn sezindim. Olımpıadanyń ashylý saltanatynan keıin jańa jankúıerlerim de paıda boldy. Halyqtyń rızashylyǵyna ıe bolý men úshin úlken qurmet. Barlyǵyna sheksiz alǵysymdy bildiremin», dedi sóz sońynda Olga Rypakova.