QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologııalyq ahýal qaraldy, dep jazady Egemen.kz vedomstvonyń baspasóz qyzmetine silteme jasap.
Halyqty vaksınalaý barysy men qazirgi jaǵdaı týraly densaýlyq saqtaý mınıstri Alekseı Soı, óńirlerdegi jaǵdaı týraly Atyraý oblysynyń ákimi Mahambet Dosmuhambetov, Mańǵystaý oblysynyń ákimi Serikbaı Trumov, Nur-Sultan qalasynyń ákimi Altaı Kólginov pen Shymkent qalasynyń ákimi Murat Áıtenov baıandady.
Úkimet basshysy shekteý sharalary men kásipkerlik belsendiliktiń ósýin saqtaý arasyndaǵy tepe-teńdikti saqtaý qajettigin atap ótti.
«Búginde Ashyq jobasy bızneske karantındik sharalar jaǵdaıynda jumys isteýge múmkindik beredi», dedi Asqar Mamın.
Bıylǵy 27 shildeden bastap 2 tamyzǵa deıin Ashyq jobasyna qatysýshylar sany 3 esege – 21 900-den 67 782-ge deıin artty.