Tokıo Olımpıadasy oıyndarynan soń sportshylar jáne olardy jattyqtyrýshy bapkerlerdiń qatysýymen keńeıtilgen otyrys ótkiziledi. Bul týraly QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev málim etti, dep habarlaıdy Egemen.kz.
«Ketken kemshiliktermen mindetti túrde jumys jasaıtyn bolamyz. Bul máselede boksshylarmen qatar jattyqtyrýshylarmen de jumys jasaımyz. Jalpy biz bas bapkerdi taǵaıyndaǵanda oǵan bar jaýapkershilikti júkteımiz. Árıne, bapkerden bólek, sportshyǵa da baılanysty. Boksshylar Sáken Bıbosynov sekildi alańǵa shyqqannan soń sońyna deıin kúresýi tıis. Iаǵnı jattyǵý kestesi men rejimdi ázirlep jospar qurady, al sportshy soǵan sáıkes tıisti deńgeıde jattyǵyp, bar kúsh-jigerin salýy qajet», dedi Serik Sápıev Ortalyq kommýnıkasııalar qyzmetinde onlaın ótken baspasóz máslıhatynda.
Komıtet basshysy Olımpıada oıyndary aıaqtalǵan soń ony qorytyndylaýǵa arnalǵan jıynnyń ótetinin málimdedi.
«Ár Olımpıada oıyndary máresine jetken soń, sporshylar, jattyqtyrýshylar, Ulttyq Olımpıada komıteti, sport federasııalary ókilderiniń qatysýymen keńeıtilgen otyrys ótedi. Sol jerde másele keńinen qaralyp, qajet bolǵan jaǵdaıda bas bapker men jattyqtyrýshylar qaıta taǵaıyndalady. Osy joly da Tokıo Olımpıdasynan soń kezekti jıyn ótkizip, jiberilgen qatelik, kemshilikterdi qaraımyz», dedi ol.