Nur-Sultan «qońyr-qyzyl» aımaqtan «qyzyl»aımaqqa aýysty. Endi búginnen bastap saýda jáne oıyn-saýyq ortalyqtaryna, saýda úıleri men saýda jelilerine 22.00-ge deıin jumys isteýge ruqsat beriledi, dep habarlaıdy Egemen.kz.
Bas sanıtarııa dáriger Erlan Qııasovtyń 29 shildedegi qaýlysyna sáıkes, «qyzyl» aımaqta saýda jáne oıyn-saýyq ortalyqtary, saýda úıleri men saýda jelileri senbi men jeksenbini qosa alǵanda, barlyq kúni 22.00-ge deıin jumys isteı alady.
Aıta keteıik, epıdemıologııalyq jaǵdaı jaqsaryp, koronavırýs juqtyrýdyń kúndelikti jańa deregi azaıǵan saıyn karantın talaby jeńildeýi múmkin.
Elorda ákimdigi derekterine sáıkes, 18 shilde men 2 tamyz aralyǵynda Nur-Sultan taǵy tórt qalamen «qońyr-qyzyl» aımaqta bolǵan. 4 tamyzdan bastap elordada ınfeksııalyq stasıonarlardyń júktemesi 69 paıyz boldy (70 paıyzdan tómen - shamamen.) jáne qala «qyzyl» aımaqqa oraldy.
О́tken táýlikte elordada 1507 COVID-19 juqtyrǵan adam anyqtaldy.