COVID-19: Qatarymyzdy kemitip jatqan qater

Qazir kúshine qaıta minip turǵan bul bálekettiń tıgizip jatqan zardaby eselenýde. Aýyrǵandar sany artqan saıyn qaraly habarlar da jıilep barady. Elimizde kúnine júzden asa adamnan kóz jazyp qalyp jatyrmyz. О́kinishke qaraı, qoǵamda osynshama qaıǵyly jaǵdaılar oryn alyp jatsa da, saqtyq sharalaryna, vaksına saldyrýǵa selqos qaraıtyndardyń qatary azaıar emes.

Densaýlyq saqtaý mınıstr­ligi 6 tamyzdaǵy málimet boıynsha tirkelgen qaıǵyly jaǵdaılar sanyn jarııalady. Elimizde ko­ronavırýstyń kesirinen 122 adam qaıtys boldy. Pasıent ólimi elordada kóp tirkelgen. Nur-Sultan qalasynda 20 adam qaıtys bolsa, Almatyda 19, Shym­kentte 18 naýqas kóz jum­ǵan. Jalpy, indet kelgeli búginge deıin Qazaqstanda 6 764 adam qaıtys boldy.

Al keshegi derek boıynsha elimizde ótken táýlikte 7 802 adam­­nyń koronavırýs indetine shal­dyqqany PTR arqyly rastal­dy. Búginde 111 239 adam koronavırýs ınfeksııasynan emdelip jatyr. Olardyń ishinde 30 633 pasıent stasıonarda, 80 606 naý­qas ambýlatorııalyq deńgeıde em qabyldaýda. Aýyryp jatqan adamdardyń arasynda 1 918 adamnyń jaǵdaıy aýyr, 405 pasıenttiń jaǵdaıy óte aýyr, 196 naýqas ókpeni jasandy jeldetý apparatynda jatyr.

Qazir elimizdiń qaı tusynda bol­syn, jaǵdaı ońyp turǵany sha­maly. 8 tamyzdaǵy epıdemııa­lyq ahýaldy baǵalaý matrısasy bo­ıynsha Qazaqstannyń óńirleri tú­gel­ge jýyq «qyzyl aımaqta» tur. Tek Túrkistan oblysy – «ja­syl aımaqta». Bul rette qal­ǵan óńir­­lerdiń de «jasyl aımaq» qa­­tary­na qosylýy úshin bar­lyq shara ja­salyp-aq jatyr. Biraq túsi su­ıy­lý­dyń ornyna odan saıyn qoıý­lanyp ket­ken «qy­zyl aı­maqtar» bar. Bú­gin­de osyn­daı qaýipti tá­ýe­kel aıma­ǵyn­da tórt óńir tur: Al­maty, Shym­kent qalalary, Aty­raý já­ne Qaraǵandy oblys­tary. Bul óńir­lerde tósektik oryn­­dardyń ap­­ta­lyq qamtylý kórsetkishi 100 myń turǵynǵa shaq­­qanda 200 já­ne odan da jo­ǵary bolyp otyr.

Rasynda, qazir aýrýy asqy­nyp, tósekke tańylyp jatqan naýqastar kóp. Sondyqtan ın­fek­­sııalyq stasıonarlardyń kóbi naý­qastarǵa tolyq. О́tken ap­­ta­daǵy derek boıynsha elimiz­de 52 803 ınfeksııalyq tósektik oryn ashylǵan, onyń 56%-y bos bol­maı tur. Shildemen salys­tyr­ǵan­da koronavırýspen aýyr­ǵan­dar­dy emdeýge tartylǵan me­dı­­sı­na­lyq uıymdar sany 326-dan 339-ǵa deıin artyp, jal­­py tósektik oryn sany 10 myń­ǵa deıin ulǵaıdy. Al ın­fek­­sııalyq stasıonarlardaǵy rea­nı­masııalyq tósektik oryndar sany – 4 795, onyń búginde 46%-y bos emes. Stasıonarlardaǵy júk­temeni baǵalaý matrısa­sy­na sáıkes, tósektik oryndar­men qam­týdyń eń kóp paıyzy – Shym­kent, Nur-Sultan qala­la­ryn­da, Qyzylorda jáne Qosta­naı oblyst­arynda. Sondaı-aq Nur-Sultan qalasynda, Mań­ǵys­taý jáne Atyraý oblystaryn­da rea­nımasııalyq tósektik oryn­darda jatqandar kóp. Epı­de­mııalyq jaǵdaı odan saıyn ýshyq­qan jaǵdaıda KVI-den em­deý úshin qosymsha 12 myń ınfek­sııa­lyq tósektik oryn, jospar­ly medı­sınalyq kómekti toqtatpaı 5 500­rea­nımasııalyq tósektik oryn or­nalastyrýǵa da­ıyndyq bar.

Indet salǵan osynaý qıyn kún­­derden qutqaratyn birden-bir amal jappaı vaksına saldyryp, ujymdyq ımmýnıtet qa­lyptastyrý ekeni túsinikti. 8 tamyzdaǵy málimet boıyn­sha Qazaqstanda birinshi kom­po-nentpen 5 727 414 adam, ekin­shi komponentpen 4 356 279 adam vaksına saldyrdy. Dál qazirgi jaǵdaıda qoǵamnyń saý­lyǵyn, bútindigin saqtaýǵa halyq­tyń kóptep vaksına sal­dy­rýy ǵana kepil bola alady. In­dettiń zalal-zardabynyń qan­sha­lyqty aýyr ekenin kún sa­ıyn kózimen kó­rip-bilip, sezi­nip júrgen dárigerler tyny­sy tarylyp tósek tartyp jatqan­dardyń 100 paıyzǵa jýyǵy vaksına saldyrmaǵandar ekenin zar qaqsap aıtyp jatyr. Túsine bilgenge, joǵaryda keltirgendeı, indetten kúnine júzden asa adamnyń qaıtys bo­lýy onsyz da halqy kóp emes elimizge aýyr soqqy ekeni anyq. Sondyqtan jantalasyp júr­gizilip jatqan indetpen kúres is-sha­ralaryna qarsy bolyp, keri tartyp, kejir­lik kórsetýdiń qajeti joq.