Komıssııa otyrysyna QR Bilim jáne ǵylym vıse-mınıstri Qýanysh Erǵalıev tóraǵalyq etti, dep jazady Egemen.kz QR BǴM baspasóz qyzmetine silteme jasap.
Grantqa úmitkerlerdiń ótinimin komıssııa músheleri qaraıdy. Komıssııa quramyna memlekettik organdar men qoǵamdyq uıymdardyń ókilderi, jýrnalıster, «Qazaqstan stýdentteri Alıansy», Otandastar qorynyń ókilderi kirdi. Odan keıin talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde granttar taǵaıyndalatyn bolady.
Prezıdenttiń tapsyrmasy boıynsha granttardyń jalpy sany 5 myńǵa artyp otyr. Iаǵnı, ótken jyly bilim berý granttarynyń sany 51 myń bolsa, bıyl 56 myńǵa deıin artty. Sondaı-aq grant bólý kezinde alǵash ret azamattardyń áleýmettik osal sanattary úshin kvota kózdelgen.
Bıyl bilim berý grantyn taǵaıyndaý konkýrsyna qatysý úshin barlyǵy 75 myńnan astam ótinim tústi, bul 2020 jylmen salystyrǵanda 13 myńǵa artyq.
Memlekettik bilim berý grantyn taǵaıyndaý konkýrsynyń nátıjesin 15 tamyzǵa deıin jarııalaý josparlanyp otyr.