Sinopharm vaksınasynyń alǵashqy partııasy

Densaýlyq saýqtaý mınıstr­ligi atalǵan vaksına jóninde tolyq málimet berdi.

«Qazaqstanda koronavırýs­ty taratpaý jónindegi vedo­m­st­vo­aralyq komıssııa men Den­saýlyq saqtaý mınıstr­ligi­niń tapsyrmasy negizinde Biryń­ǵaı dıstrıbıýtor Beıjiń bıo­lo­gııalyq ónimder ınstıtýty ázirlegen Covid-19-ǵa qarsy Sinopharm vaksınasynyń 4 mln dozasyn satyp alýdy júzege asyrdy. Sinopharm Qytaı vak­sınasynyń birinshi partııasy 1 mln dozadan turady. Sinopharm vaksınasy – jaqyn kúnderi Qazaqstan azamattaryna koronavırýs ınfeksııasyna qarsy vaksınalaý úshin qoljetimdi bolatyn elimizde besinshi tirkelgen vaksına», delingen vedomstvo habarynda.

Vaksınany stıkerleý rásimi aıaqtalǵannan keıin DSM Sa­nı­tarlyq-epıdemııalyq ba­qylaý komıtetiniń ruqsat qaǵa­zyna sáıkes jedel tártipte eli­mizdiń óńirlerine jiberiledi.

Biryńǵaı dıstrıbıýtor ım­­mýnobıologııalyq pre­parat­tardyń logıstıkasyn GMP jáne GDP barlyq stan­dart­taryn, sondaı-aq «sýyq tizbekti» saqtaı otyryp júzege asy­rady. Sinopharm vaksına­sy­nyń erek­sheligi – ony jetkizý pro­­sesi muz­datqyshty qajet et­peıdi, +2 +8 gradýs temperatýrada saqtalady jáne tasymaldanady.

Qytaıdyń Sinopharm vaksınasyn DDU 2021 jyldyń 7 mamyrynda qoldanýǵa maquldady. Vaksına belsendi emes, eki dozaly. Saqtaý merzimi – 24 aı. Shil­dede Qytaıdyń Sinopharm kompa­nııasynyń koronavırýsqa qarsy vaksınasy COVAX vaksı­na­lar bankine kirdi. Vaksı­nalar men ımmýndaýdyń jahan­dyq alıansy (GAVI) qytaı­lyq Sinopharm kompanııasymen kelisim jasaıtynyn jarııalady.

Bul – DDU-men qaýipsiz jáne tıimdi dep jiktelgen al­ǵash­qy Qytaı preparaty, 45 elde eresek­terge vaksınalaýǵa ruqsat etil­gen. Búgingi tańda Qytaı­dan basqa, vaksına BAÁ men Serbııada óndirýge maqul­dan­dy. Sonymen qatar Qytaı men BAÁ Qytaıdyń Sinopharm farmakologııalyq kompanııa­synyń belsendi emes vaksınasyn 3 pen 17 jas aralyǵyndaǵy balalarǵa shuǵyl qoldanýdy maquldady.