Atyraýda Jaıyq ózenine batqan 52 jastaǵy er adamdy tappaı jatyr, dep habarlaıdy Egemen.kz.
Oblystyq tótenshe jaǵdaılar departamenti bastyǵynyń orynbasary Ashat Erjanovtyń málimetinshe, jyl basynan beri 22 adam sýǵa batyp, jantásilim etken.
«Sýǵa batqandardyń arasynda 7 bala bar. О́tken aptada eki adam sýǵa batyp ketti. Onyń biri – Mahambet aýdanynda, ekinshisi Atyraý qalasynda Jaıyqqa batty. Al, 9 tamyzda Qyzylbalyq aýylynda Jaıyq ózenine batyp ketken 1969 jyly týǵan er adamnyń denesi izdestirilip jatyr», deıdi Ashat Erjanov.