Bul suraqqa búgin Úkimet otyrysynda QR Bilim jáne ǵylym mınıstri Ashat Aımaǵambetov jaýap berdi, dep jazady Egemen.kz
Bilim mekemelerindegi pedagogterdiń 93,1 paıyzy koronavırýsqa qarsy ekpe alǵan. Basqa qyzmetkerlerdiń 88,4 paıyzy vaksına saldyrǵan.
«Stýdentterdiń vaksına alýyn yntalandyrý boıynsha ýnıversıtetter arnaıy is-sharalardy uıymdastyryp jatyr. Oqý aqysyn tómendetý, aqysyz kýrstarǵa qatystyrý, joldamalar men baǵaly syılyqtar berý sııaqty bastamalar ýnıversıtetterde keńinen qoldanylýda», dedi Ashat Aımaǵambetov.
Mınıstrdiń málimetinshe, bıylǵy oqý jylynda pedagogterdiń qataryn 12 myńnan astam jas maman tolyqtyrmaq. Olardyń basym bóligi Aqtóbe, Túrkistan, Jambyl oblystaryndaǵy bilim mekemelerinde qyzmetin bastaıdy.
«Jańa oqý jylyndaǵy 1-synyptyń boljamdy kontıngenti 380 myń bala bolady dep esepteımiz. Onyń 97 paıyzy elektrondy túrde 1 tamyzǵa deıin qujattaryn tapsyrdy», dedi mınıstr.