Elordadaǵy Qalıbek Qýanyshbaev atyndaǵy memlekettik akademııalyq Qazaq mýzykalyq-drama teatrynyń akteri Dastan Álimovti men alǵash kórnekti jazýshy Shyńǵys Aıtmatovtyń «Aq keme» spektaklindegi bas keıipker – jas balanyń beınesindegi róli arqyly tanydym. Bul týyndyny rejısser Nurlan Jumanııazov sahnalady. Osy qoıylymda kishkentaı keıipkermen Dastannyń jan-dúnıesinde bir uqsastyq bar ekeni baıqaldy. О́ıtkeni jetkinshektiń qýanyshy men qaıǵysyn, qııaly men saǵynyshyn akter júregimen sezinip, kórermenge shynaıy jetkize bildi.
Alǵashqy premeradan bastap Aıtmatovtyń aıtýly shyǵarmasy Qallekı teatrynyń jurtshylyq qyzyǵyp kóretin qoıylymdarynyń birine aınaldy. 2008 jyly bas shaharda ótken respýblıkalyq teatrlar festıvalinde atalǵan óner ujymy osy spektaklmen qatysyp, kishkentaı balanyń beınesin kelisti somdaǵany úshin Dastan Álimov «Úmit» atalymynyń bas júldesin aldy.
Ol − Qazaqstannyń halyq ártisi Ánýar Boranbaev ómirge kelgen topyraqta týyp, bala jasynan mekteptegi drama úıirmesine qatysyp, kózge túsedi.Týǵan aýylyndaǵy orta mektepti aıaqtaǵannan keıin 2002 jyly astanadaǵy Qazaq ulttyq óner ýnıversıtetiniń teatr jáne kıno mamandyǵyna qabyldanyp, Qazaqstannyń Halyq qaharmany, kórnekti rejısser Ázirbaıjan Mámbetovtiń sheberhanasynan bilim alady. Tuǵyrly tulǵa men rejısser Nurlan Jumanııazovtan teatr óneriniń qyr-syryn úırengen jas akter 2006 jyly 1 qyrkúıekte Qallekı teatryna jumysqa ornalasyp, dál sol kúni rejısser Bolat Uzaqovtyń «Úmit» degen qoıylymynda «Tyshqandy» oınaıdy. Bul beıne – onyń sahnadaǵy alǵashqy róli retinde esinde saqtalyp qaldy. Keıin teatr sahnasynda birqatar ertegilerdiń keıipkerlerin somdap, balalardyń súıikti akterine aınaldy.
О́nertanýshylar «Teatrda úlken, kishi ról bolmaıdy» degendi jıi qaıtalaıdy. Bizdiń keıipkerimizdi kórermender kıeli sahnada shaǵyn epızodtyń sheberi retinde tanıdy.
Ásirese, ol jazýshy Dýman Ramazannyń «Abylaı hannyń armany» dramasyndaǵy Qytaı elshisiniń beınesin tamasha oınady. Osy shyǵarma jaıynda jas teatrtanýshy Mıras Ábil: «Qoıylymnyń keıbir sátterinde halyq oıran-topan kúlkige kenelip, súısine qarap otyrǵanyn baıqadyq. Ol kúlkini týdyrýshy Qytaı elshisi Na-Vangty beınelegen Dastan Álimov edi. Onyń alasa boıy men tamasha oıyny. Qytaı elshisiniń aılaker, qýaqy, shetten tys aqyldylyǵyn tabıǵı kúlki týdyra otyryp, shynaıy sýrettedi» dep jazady.
Sondaı-aq qabyrǵaly qalamger Rahymjan Otarbaevtyń «Ámire» spektaklindegi ánshiniń týǵan aýylyna kelip, án salǵan kezdegi áke-sheshesimen erip barǵan pıoner balanyń erke qylyqtaryn keremet kórkemdegen rólin de jurtshylyq jyly qabyldady. Buǵan marqum Rahymjan aǵanyń ózi de dán rıza bolypty. 2019 jyly Atyraý qalasynda ótken R. Otarbaev atyndaǵy III respýblıkalyq teatr festıvalinde osy beınesi úshin oǵan qazylar alqasy «Ekinshi plandaǵy eń úzdik akter» degen atalymyn ıeledi. Qallekı teatrynda rejısser Sergeı Potapov qoıǵan A.Chehovtyń «Shıe baǵy» komedııasyndaǵy Trofımov-Pátónaı beınesi de onyń úzdik rólderiniń qataryna jatady. Osynda reseılik rejısser Álimovtiń komedııalyq talantyn jańa qyrynan kórsetti.
Sonymen qatar ol Qazaqstannyń halyq ártisi, rejısser Talǵat Temenovtiń orystyń belgili jazýshy-dramatýrgi Aleksandr Vampılovtyń «Tuńǵysh ul» pesasyn «Aq jaýyn» ataýymen jańasha sıpattaǵan qoıylymyndaǵy qarııanyń kenje balasy Ýálıhannyń obrazyn sátti somdady.
Jalpy, Dastannyń zerdeli izdenispen oıǵa jumys isteıtini onyń shyǵarmashylyǵynan kórinedi. Máselen, «Zere» poetıkalyq spektakli men «Abaı» tragedııasyndaǵy qarapaıym rólderi de kópshiliktiń nazaryn aýdardy.
Halqymyz Esbolǵan Jaısańbaev degen ǵajaıyp akterdi umyta qoımaǵan shyǵar. Ol kisi Almatydaǵy Muhtar Áýezov atyndaǵy Qazaq memlekettik akademııalyq drama teatrynda eńbek etip, Ǵabıt Músirepovtiń «Aqyn tragedııasynda» – Dáýitti, Ábdilda Tájibaevtyń «Maırasynda» Baqtııar sekildi birqatar rólderdi somdaǵan. Dastan Álimovtiń de túr-tulǵasynan, bolmysynan Esbolǵan aǵamyzǵa uqsas bir jaqyndyqty kóresiz. Bul jaıynda Qazaqstannyń Eńbek Eri Asanáli Áshimov Dastannyń bir qoıylymdaǵy róline razy bolyp: «Sahnada seniń planyńdaǵy akterlar az. Osy keıipte Esbolǵan Jaısańbaev, Qasym Jákibaev degen dúldúlder ótken. Sen Esbolǵandaı akter bolsań, myqty bolasyń» dep batasyn beripti.