«Almaty»telearnasynda belgili rejısser, ssenarıst, jazýshy, Memlekettik syılyqtyń laýreaty, Qazaqstan Respýblıkasynyń Eńbek sińirgen qaıratkeri, qazaq kınosynyń metri Satybaldy Narymbetov týraly derekti joba jaryq kórdi, dep habarlaıdy Egemen.kz.
«Kıno jáne ádebıet salasynda ózindik sýretkerlik álemin qalyptastyryp, qoǵam beınesin, zamannyń jańarǵan kelbetin óner tilimen jetkizgen halyq murasynyń janashyry, daryndy tulǵa ǵumyryn kınoǵa arnap, ózinen keıingi urpaqty saýattylyqqa jeteledi.
Ár týyndysyn balasyndaı kórip, halyqtyń tynys-tirshiligin ekran arqyly jetkize bildi. О́tken zamannyń búlkildegen tamyryna dóp tústi», dep jazylǵan telearna saıtynda.
Satybaldy Narymbetovtyń Mustafa Shoqaı, Kenesary han týraly jazǵan dıssertasııasy úshin qýǵyndalyp, túrmege túsken tarıhshy Ermuhan Bekmahanov jaıyndaǵy "Amanat" fılmi de kórermen yqylasyna bólendi. Budan ózge ol - «Sozaqtan shyqqan Gamlet», «Balalyq shaǵymnyń Don Kıhoty», «Aýyldan kelgen kúıeý», «As-salaýmaǵaleıkým, Atlantıda», «Aıǵaı»fılmderiniń avtory. Kóbiniń ssenarııin ózi jazyp, kıno ónerine búkil sanaly ǵumyryn arnaǵan.