Bul týraly AQSh memlekettik hatshysy Entonı Blınken CNN-ge bergen suhbatynda aıtty, dep habarlaıdy Egemen.kz.
«AQSh Aýǵanstanǵa terrorızm qaýpin joıý maqsatymen kirdi jáne oǵan qol jetkizdi», dep málimdedi AQSh memlekettik hatshysy Entonı Blınken CNN-ge bergen suhbatynda.
Onyń aıtýynsha, amerıkalyq ásker Aýǵanstandaǵy sodyrlardy toqtata almaıtyn edi.
Memlekettik hatshy Aýǵanstandaǵy qazirgi jaǵdaıdy 1975 jylǵy Vetnammen salystyrýǵa kelispeıdi.
«Bul Saıgon emes. Aıyrmashylyǵy - biz Aýǵanstanǵa 20 jyl buryn bir ǵana mindetpen keldik. Ol 2001 jyldyń 11 qyrkúıeginde AQSh-qa shabýyl jasaǵandardy jazalaý boldy. Bul tapsyrma sátti oryndaldy», dedi AQSh hatshysy.
Sonymen qatar Aýǵanstanǵa qarsy yqtımal sanksııalar týraly aıta kelip, «Talıban bılik basyna kelgen soń respýblıka halqynyń quqyǵyn aıaqqa taptasa sanksııa salýy múmkin» ekenin atap ótti.