О́skemen qalasynda BMX kross velosportyna arnalǵan kásibı trek salynyp jatyr, dep habarlaıdy Egemen.kz QazAqparatqa silteme jasap.
Shyǵys Qazaqstan oblysynyń ákimi Danıal Ahmetov О́skemendegi «Samal» saıabaǵynda salynyp jatqan velotrektiń qurylys jumystarynyń qarqynyn qadaǵalady.
«BMX – tek jastar qyzyǵatyn sport túri ǵana emes, kóptegen velosport áýesqoılary úshin ómir súrý stıli. Oblys ortalyǵynda salynyp jatqan trek halyqaralyq standarttarǵa saı bolmaq. Trektiń jabyny Tokıo Olımpıadasyndaǵy sııaqty bolady. Velokross áýesqoılary úshin de, kásibı sportshylar úshin de joldar salynady. Aldaǵy ýaqytta bul jerde álemdik deńgeıdegi jarystardy ótkizetinimizge senimdimin», dedi aımaq basshysy.
Sonymen qatar ol qurylysshylarǵa Máskeýden kelgen Halyqaralyq velosport federasııasynyń ókilderi keńes beretinin, sondyqtan qurylysty jobalaǵanda talaptar túgel eskerilip, barlyq tıisti talaptar saqtalatynyn atap ótti.
Aıta keteıik, BMX – velosıped sportynyń keń taralǵan túri jáne ol 2008 jyldan beri olımpıadalyq oıyn túrleriniń qatarynda.