Mańǵystaý oblysynyń turǵyny «Quryq» porty arqyly memlekettik shekaradan ótý úshin PTR testterin qoldan jasap, satqan, dep habarlaıdy Egemen.kz.
Ishki ister mınıstrliginiń resmı ókili Nurdildá Orazdyń aıtýynsha, teńiz portynda feldsher bolyp jumys isteıtin 21 jastaǵy jergilikti turǵyn jolaýshylarǵa jalǵan PTR anyqtamasyn satqan.
«Jalǵan anyqtamanyń baǵasy 3-10 myń teńge aralyǵynda boldy. Turǵylyqty jerinde tergeý áreketterin júrgizý kezinde kúdiktiden 48 jalǵan PTR testi, qujattardy daıyndaýda qoldanylǵan, iske asyrýǵa daıyn basqa da keńse jabdyqtary alyndy», dedi ol.
Bul fakti boıynsha tergeý bastaldy, onyń barysynda tergeý kúdiktiniń qylmystyq áreketiniń naqty aýqymyn jáne memlekettik shekarany kesip ótken adamdardyń sanyn anyqtaýǵa tıis.
Ishki ister mınıstrligi jalǵan qujat jasaǵany úshin qylmystyq jaýapkershilik tórt jylǵa deıin bas bostandyǵynan aıyrý túrinde, al ony qoldanǵany úshin 40 táýlikke deıin qamaýǵa alý túrinde jaza qarastyrylǵanyn eske saldy.