«Talıban» mádenı komıssııasynyń múshesi Enamýlla Samanganı memlekettik qyzmetshilerge buryn jarııalanǵan «jalpy raqymshylyq» sharasyna sáıkes, áıelderdiń Úkimettegi qyzmetine qaıta oralýǵa bolatynyn aıtty. Bul týraly VVS orys qyzmeti habarlady, dep jazady Egemen.kz.
«Islam Ámirligi áıelderdi qurban qylǵysy kelmeıdi. Sharıǵat zańy boıynsha olar memlekettik júıeniń bir bóligi bolýǵa tıis», dedi Samanganı (Associated Press).
«Jańa úkimettiń qurylymy áli tolyq anyqtalǵan joq, biraq basqarý barlyq taraptyń qatysýymen tolyǵymen ıslamı turǵyda bolýy kerek», dep qosty ol.
Bul málimdemege ne sebep bolǵany ázirge belgisiz.
Sońǵy aılarda, aýmaqty basyp alǵan kezde, talıbter búkil el boıynsha qyzdar oqıtyn ondaǵan mektepti jaýyp tastady jáne áıelderdi sońǵy 20 jyl boıy qoldanǵan quqyǵynan aıyrdy.