Reseı Premer-Mınıstri Mıhaıl Mıshýstın Nur-Sultanǵa ushyp keledi, dep habarlaıdy Egemen.kz.
Reseı mınıstrler kabınetiniń baspasóz qyzmeti málimetinshe, Mıshýstın Qazaqstan astanasynda jumys saparymen 18-19 tamyz aralyǵynda bolady.
«Mıhaıl Mıshýstın Qazaqstan Premer-Mınıstri Asqar Mamınmen kelissózder júrgizedi. Sonymen qatar Reseı Premer-Mınıstri Qazaqstan Prezıdenti Qasym-Jomart Toqaevpen jáne Tuńǵysh Prezıdent, Ult kóshbasshysy Nursultan Nazarbaevpen kezdesedi», delingen resmı habarlamada.
Taraptar ónerkásip, energetıka, kólik, mádenı-gýmanıtarlyq salalardaǵy Reseı-Qazaqstan yntymaqtastyǵyn damytýdy talqylaıtyny aıtyldy. Eýrazııalyq ekonomıkalyq odaq aıasyndaǵy yntymaqtastyqty keńeıtýge jáne koronavırýs ınfeksııasyna qarsy birlesken sharalarǵa erekshe nazar aýdarylady.