«Qyzyldyń» qursaýynan vaksına ǵana qutqarady

Búginde elordada koronavırýsqa qarsy vaksınanyń birinshi komponentin 381 myńnan asa adam aldy, al 300 myń­nan asa azamat tolyq ımmýndaýdan ótti. Aldyńǵy kórsetkishterge qaraǵanda vaksına saldyrý prosesinde aıtarlyq ilgerileý bar. Degenmen Nur-Sultan qalasy vaksınalaý qarqyny boıynsha basqa óńirlerden kósh keıin qalyp otyr.

Qazirgi kezde astanada turǵyndar úshin vaksınanyń úsh túri qoljetimdi. Bul – qazaqstandyq QazVac, qytaılyq Sinopharm farmkompleksiniń Vero Cell jáne reseılik Spýtnık V vaksınalary. Azamattar qolda bar úsh vaksınanyń birin tańdaı alady. Egý pýnktterindegi barlyq vaksına jetkilikti mólsherde bar.

Bul rette qalalyq Densaýlyq saqtaý basqarmasy azamattarǵa ekinshi kompo­nentti alýda problemalyq jaǵdaılardy bol­dyrmas úshin ekpeniń eki kezeńin de bir pýnkte ótýge keńes berdi. «Biz azamattardan vaksınanyń birinshi jáne ekinshi komponentin bir pýnkte alýdy suraımyz. Mysaly, birinshi dozany alý úshin siz belgili bir emhanaǵa nemese saýda ortalyǵyna barsańyz, ekinshi do­zany da vaksınalaý arasyndaǵy ara­lyqty saqtaı otyryp, sol jerden alýdy usynamyz», delingen atalǵan basqarmanyń habarlamasynda.

Jalpy, elordada 100-ge jýyq ko­ro­na­vırýs ınfeksııasyna qarsy egý pýnkti tańǵy 8.00-den keshki 10.00-ǵa deıin jumys istep tur.

Sonymen qatar Nur-Sultanda Ashyq jobasy kóshbasshylarynyń tizimi ja­ńar­­tyldy. Qazirgi ýaqytta 159 me­keme qosymsha jeńildikter bere­tin eki ap­talyq statýsqa ıe boldy. Joba kósh­bas­shylarynyń tizimin qala ákimdigi Ashyq jobasyna qatysatyn nysandarda (eki aptalyq kezeńde) QR-kod arqyly tirkelgen kelýshilerdiń málimeti negizinde qalyptastyrady. Osy oraıda «Ashyq kóshbasshysy» statýsyn alǵan joba qatysýshysy «qyzyl aı­maqta» orna­lassa, «sary aımaqtyń» sharttary boıynsha, al «sary aımaqta» «ja­syl aımaqtyń» sharttary bo­ıyn­sha jumys isteı alatynyn aıta ketken jón. «Jasyl» jáne «qoıý qyzyl» aımaq­tar­da­ǵy joba qa­ty­sýshylaryna jumys tártibi qo­symsha 2 saǵatqa uzar­ty­lady, son­daı-aq nysannyń toltyrylýy 10%-ǵa artady.

Vaksınanyń birinshi kom­po­nen­tin qyz­metkerlerdiń keminde 90%-y alǵan jaǵ­daıda, sońǵy 3 aı ishinde medı­sı­nalyq qarsy kórsetilimderi bar adamdardy, aýyryp jazylǵan adamdardy esepke almaǵanda nysannyń toltyrylýy 20%-ǵa kóbeıedi. Atalǵan jobaǵa qatysýshylar sanıtarlyq normalardy tolyqtaı saqtaýy tıis. Eger karantın talaptary buzylsa tizimnen shyǵarylady.