Aldaǵy senbi-jeksenbi kúnderi elordada Túrkistan oblysynyń taýar óndirýshileri aýyl sharýashylyǵy jármeńkesin ótkizedi, dep habarlaıdy Egemen.kz.
Aımaqtan 500 tonna ónim tıelgen júk kólikteri jolǵa shyqty. Jármeńkege Túrkistan óńiriniń 50-ge jýyq taýar óndirýshisi qatysady. Bas qala turǵyndaryna olar et jáne sút ónimderin, kókónis, baqsha daqyldaryn, jemis-jıdek, sondaı-aq bal usynady.
Jármeńkede taýarlar naryqtan 15-20% arzan baǵada satylady.
«Jármeńke 21-22 tamyz kúnderi Nur-Sultan qalasy Han shatyr aýmaǵyndaǵy avtoturaq aýmaǵynda ótetin bolady. Jalpy jármeńkege Túrkistan oblysynyń 16 aýdanynan 34 túrli ónim jiberilip otyr. Kókónis, kartop, baqsha daqyldarymen biz ózimizdi 100% qamtamasyz etemiz. Artyǵy respýblıkanyń ózge óńirlerine, sonymen qatar Reseı, Belarýs elderine eksporttalyp jatyr», dedi oblystyq aýyl sharýashylyǵy basqarmasy basshysynyń orynbasary Nurbol Bekmuratov.