Qazaqstannyń bilim jáne ǵylym mınıstrliginiń Bıologııalyq qaýipsizdik problemalarynyń ǵylymı-zertteý ınstıtýtynyń bas dırektory Kúnsulý Zakarııa ekinshi qazaqstandyq vaksınanyń jaıy týraly aıtty, dep habarlaıdy Egemen.kz.
«Instıtýt ǵalymdary qoldanystaǵy QazVac vaksınasymen qatar ekinshi sýbbirlikti Qaz Covac P vaksınasyn jasap shyǵardy. Ekinshi otandyq vaksına alǵashqy klınıkalyq synamadan sátti ótti. Búgingi kúni ekinshi klınıkalyq synama júrgizilýde», dedi ol tamyz konferensııasy barysynda.
Onyń aıtýynsha, qazaqstandyq ǵalymdar koronavırýsqa qarsy ózge de vaksınalardy jasap jatyr, olar synaq ústinde.
Esterińizge sala keteıik, Dúnıejúzilik densaýlyq saqtaý uıymy koronavırýsqa qarsy qazaqstandyq ekinshi vaksınany úmitker retinde 2020 jyldyń tamyzynda tirkedi.
Instıtýt basshysynyń aıtýynsha, alǵashqy otandyq QazVac vaksınasy jaqsy nátıjeler kórsetýde.
«Vaksına qazaqstandyqtardyń densaýlyǵyn qorǵaý maqsatynda qoldanylyp jatyr. Memleket basshysynyń tapsyrmasymen vaksına Qyrǵyzstanǵa gýmanıtarlyq kómek retinde jiberildi. Ol jaqta vaksına tirkeýden ótip, medısınalyq maqsatta qoldanýǵa ruqsat aldy. QazVac vaksınasyna ózge elder de qyzyǵýshylyq tanytyp otyr. QazVac vaksınasynyń eki kezeńi nátıjeleriniń Lancet bedeldi halyqaralyq jýrnaldar tobynda jarııalanýyn bizdiń ǵalymdardyń úlken jetistigi dep baǵalaýǵa bolady», dedi Kúnsulý Zakarııa.