Atalmysh joba Qazaqstandaǵy áıelderdiń áleýmettik-ekonomıkalyq jaǵdaıyn jaqsartý boıynsha usynystardy ázirleýge múmkindik beredi, dep jazady Egemen.kz QR Aqparat jáne qoǵamdyq damý mınıstrliginiń resmı saıtyna silteme jasap.
«Jergilikti birlestikterdi turaqty damytý» qoǵamdyq qory Azamattyq bastamalardy qoldaý ortalyǵynyń muryndyq bolýymen «Genderlik muqtajdyq pen qajettilikter kartasy: etnostyq sıpattyń, aımaq pen dárejeniń yqpaly» atty áleýmettik jobany júzege asyrýda.
Joba dárejelik, etnıkalyq jáne jas boıynsha faktorlardy esepke ala otyryp, áıelderdiń genderlik muqtajdyǵyn zertteýdi kózdeıdi.
«Jobanyń boljamdy nátıjeleri: óńirler, qalalar men aýdandarda qajettilikterdi birlesip baǵalaý ádisterin (BBÁ) paıdalana otyryp, jumyspen qamtý, negizgi áleýmettik qyzmetterge qoljetimdilik, memlekettik qoldaýdyń túrli sharalaryna qol jetkizý boıynsha eki tilde sarapshylarmen jasalǵan genderlik muqtajdyq pen qajettilikterdi zertteýdiń ádistemesi, taldamalyq materıal ázirleý, genderlik muqtajdyq pen qajettilikterdiń ınteraktıvti kartasyn ázirleý, halyqty habardar etý», delingen mınıstrlik taratqan habarlamada.
Joba sheńberinde 17 myń áıeldi qamtyp, 20 sarapshydan suhbat alý kózdelgen, jáne aımaqtar boıynsha 17 úılestirýshi jumys isteıdi.