Qala ákimi Murat Áıtenov Shymkent halqynyń qanshaǵa jetkenin aıtty, dep habarlaıdy Egemen.kz.
Bul týraly Shymkent qalasynyń ákimi Murat Áıtenov Úkimet otyrysynda málimdedi.
«Sanaqtyń birinshi kezeńinde 29 nusqaýshy-baqylaýshy men 198 ıntervıýter 1,5 aıǵa tartylyp, eldi mekenderdi aralap, úı-jaılardyń tizimin jasaqtady. Sanaqtyń birinshi kezeńiniń qorytyndysy boıynsha Shymkent qalasynyń halyq sany 1 002 720 adamdy qurady. Bıylǵy 1 maýsymdaǵy málimetterge sáıkes 90 464 adamǵa jetpedi. Bul jaz aıyndaǵy demalysqa baılanysty bolyp otyr» dedi ol.
Áıtenov aıtqandaı, sanaqtyń ekinshi kezeńine daıyndyq júrgizilip jatyr.
«Sanaq personaldaryn úı-jaılarymen qamtamasyz etý boıynsha 155 nusqaýshy-ýchaske belgilenip, olar jıhaz ben qural-saımanmen jabdyqtaldy. Qala aýmaǵynda aqparattyq paraqshalar taratyldy. Halyq sanaǵynyń ekinshi kezeńin ótkizý jumystaryna Shymkent qalasy tolyq daıyn», dedi ol.
Osyǵan deıin Premer-Mınıstrdiń birinshi orynbasary Álıhan Smaıylov halyq sanaǵyna tıisti deńgeıde daıyndalmaı otyrǵan óńirlerdi ataǵan edi. Onyń ishinde Shymkent qalasy da boldy.