Almaty qalasynda jańa mektepter salynyp, eski bilim berý uıymdarynda seısmıkalyq tózimdilik jumystary júrgizilýde. Bul týraly Almatynyń Jaıly qalalyq orta basqarmasynyń basshysy Sapar Nurashev málim etti, dep habarlaıdy Egemen.kz.
Basqarma basshysynyń aıtýynsha, jyl sońyna deıin 48 áleýmettik nysannyń qurylysyn aıaqtaý josparlanǵan. Onyń ishinde 38 nysannyń qurylysy júrip jatsa, qalǵan 10 mektepte seısmıkalyq tózimdilik jumystary júrgizilýde.
«Qazirgi ýaqytta 12 600 oqýshyǵa arnalǵan segiz mekteptiń, 17 mektepke arnalǵan qosalqy ǵımarattar men №7 qalalyq aýrýhananyń qurylysy júrip jatyr. Kishi Almaty ózeniniń jaǵalaýyn jáne Jambyl kóshesin Dostyq dańǵylynan Naýryzbaı batyr kóshesine deıin rekonstrýksııalaý aıaqtalýǵa jaqyn», dedi spıker.
Spıkerdiń aıtýynsha, Almatydaǵy barlyq jańa mektepterdi salýda álemdik standarttar eskeriletin bolady. Ol qazirgi balalardyń zamanaýı qural-jabdyqtarmen jabdyqtalǵan jańa keńistikte bilim alýǵa qyzyǵýshylyq tanytady dep esepteıdi. Sondyqtan megapolıste jańa tıptegi mektepterdiń qurylys prosesi jalǵasady.