Taldyqorǵandaǵy avtomobıl shınalaryn óńdeý zaýytynda órt shyqty, dep habarlaıdy Egemen.kz.
Almaty oblysy TJD málimetinshe, oqıǵa paıdalanylǵan shınalardyń vakýýmdyq pırolızine arnalǵan rezervýardaǵy jarylysqa baılanysty oryn aldy.
«Sehtyń úsh qyzmetkeri zardap shekti. Eki adamnyń jaǵdaıy ortasha, bireýi aýyr. Olardyń barlyǵy Taldyqorǵandaǵy kópsalaly aýrýhanaǵa jetkizildi», dep naqtylady vedomstvodan.
Oqıǵa ornyna oblystyq TJD-dan 24 qyzmetker men 9 tehnıka jiberildi.
«Jarylystyń boljamdy sebebi balqytý kezinde paıda bolǵan janǵysh zattardyń syıymdylyǵynyń jumys aımaǵynda bý jınalýynyń tehnologııalyq prosess buzylǵanynan bolýy múmkin», dep tolyqtyrdy baspasóz qyzmeti.