Memleket basshysy elimizdiń agroónerkásiptik kesheniniń qazirgi jaǵdaıy men onyń turaqty damýyna baǵyttalǵan sharalar týraly mınıstrdiń mindetin atqarýshy Erbol Qarashókeevtiń esebin tyńdady, dep habarlaıdy Egemen.kz Aqordanyń baspasóz qyzmetine silteme jasap.
Erbol Qarashókeev Prezıdentti ósimdik sharýashylyǵyn damytý, onyń ishinde suranysqa ıe aýyl sharýashylyǵy daqyldaryn óndirý, sıfrlandyrý jáne eginshilik tehnologııalaryn engizý, tuqym sharýashylyǵynyń zamanaýı júıesin qurý jónindegi mindetter týraly habardar etti.
Salalyq vedomstvo basshysy mal sharýashylyǵyn damytý, egistikter men jaıylymdardaǵy ósimdikterdiń túrlik quramyn baqylaý úshin ǵaryshtyq monıtorıng pen qashyqtyqtan zondtaýdy paıdalaný josparlary týraly baıandady.
Qasym-Jomart Toqaev memlekettik qoldaý sharalary men sýbsıdııalaý tetikterin jetildirý jónindegi jumys, sondaı-aq veterınarlyq qyzmetti, agrarlyq ǵylymdy, kadrlar daıarlaý júıesin reformalaý qarqynymen tanysty. Salany reformalaýdyń negizgi baǵyttary agroónerkásiptik keshendi damytý jónindegi 2021-2025 jyldarǵa arnalǵan ulttyq joba sheńberinde iske asyrylatyn bolady.
Kezdesý sońynda Memleket basshysy daıyn óńdelgen ónim óndirisin damytýǵa, egin jınaý jumystaryn sapaly ári ýaqtyly júrgizýdi uıymdastyrýǵa, aldaǵy qys mezgilinde mal sharýashylyǵy salasyn azyqpen qamtamasyz etýge baǵyttalǵan birqatar tapsyrma júktedi.