Bul týraly QR Eńbek jáne halyqty áleýmettik qorǵaý mınıstrligi málimdedi, dep jazady Egemen.kz.
2021 jylǵy 1 tamyzdaǵy jaǵdaı boıynsha Qazaqstanda 15 786 shetel azamaty jumys isteıdi. Olarda jergilikti atqarýshy organdardyń ruqsaty bar.
Sheteldik jumys kúshin tartýǵa berilgen ruqsattardyń ishinde birneshe sanat bar. Birinshi sanat – basshylar jáne olardyń orynbasarlary (661 adam), ekinshi sanat – qurylymdyq bólimshelerdiń basshylary (3 283 adam). Úshinshi sanaty – mamandar (7 619 adam), tórtinshisi – bilikti jumysshylar (384 adam).
Sondaı-aq maýsymdyq jumystarǵa – 1 952 adam, al korporatıvtik aýystyrý sheńberinde – 1 887 adam tartylǵan.
Qazirgi ýaqytta Qazaqstanda shetel azamattaryn jumysqa alatyn 1 801 jumys berýshi bar. Olarda shamamen 485 myń Qazaqstan azamaty jumys isteıdi, bul jalpy jumysshylar sanynyń 96%-yn quraıdy.
Eńbek mıgranttary kóbinese Qytaı (3 785 adam), О́zbekstan (1 982 adam), Túrkııa (1 443 adam), Úndistan (1 031 adam), Ulybrıtanııa (948 adam) elderinen keledi.
«Esterińizge sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady», dep jazady vedomstvo.