Memleket basshysy Saýd Arabııasy Koroldiginiń Taq murageri hanzada Muhammed ben Salman Ál Saýdpen telefon arqyly sóılesti. Bul týraly Aqorda habarlady, dep jazady Egemen.kz
Taraptar musylman jyl sanaýy boıynsha jańa Hıjra jylynyń bastalýyna oraı bir-birin quttyqtap, eki el arasyndaǵy yntymaqtastyqtyń qazirgi jaǵdaıy men ony nyǵaıtý perspektıvalaryn talqylady.
Qazaqstan Prezıdenti búgingi ekijaqty qatynastar deńgeıin oń baǵalap, qosymsha serpin berý múmkindikterin qarastyrý qajettigin aıtty. Osy oraıda, Qasym-Jomart Toqaev pen Saýd Arabııasynyń Taq murageri memleketter arasyndaǵy yqpaldastyqty jańa jobalarmen tolyqtyryp, olardy birlese júzege asyrýǵa baǵyttalǵan «Qazaqstan - Saýd Arabııasy» Úılestirý keńesin qurý týraly bastamany tolyqtaı qoldady.
Hanzada Muhammed ben Salmannyń aıtýynsha, Er-Rııad qazaq naryǵyndaǵy ınvestısııalyq áleýetin arttyrýǵa mol múmkindik bar ekenine kóz jetkizip otyr.
Memleket basshysy bul pikirmen kelise otyryp, Saýd Arabııasy Koroldiginiń Taq muragerin ekijaqty yqpaldastyqtyń barlyq baǵyttaryn talqylaý maqsatynda Qazaqstanǵa saparmen kelýge shaqyrdy.
Hanzada Muhammed Ál Saýd Qasym-Jomart Toqaevtyń shaqyrýyn rızashylyqpen qabyl alyp, merzimderin dıplomatııalyq arnalar arqyly pysyqtaıtynyn jetkizdi.
Qol jetkizilgen ýaǵdalastyqtardy júzege asyrý maqsatynda eki el úkimetteri men syrtqy ister mınıstrlikterine ekijaqty máseleler men halyqaralyq kún tártibindegi taqyryptar boıynsha tyǵyz baılanystar ornatý týraly tapsyrma berýge kelisti.
Sondaı-aq taraptar Aýǵanstandaǵy jaǵdaıdy jáne onyń óńirlik qaýipsizdik úshin yqtımal saldary men qaýip-qaterlerin jan-jaqty talqylady. Atalǵan eldegi ahýalǵa qatysty alańdaýshylyq bildirip, Aýǵan eliniń turaqsyzdyq bastaýyna aınalmaı, beıbit jolmen sheshiletinine úmit artty.